Мыйын кочаем уло. Тудын лӱмжӧ – Евгений Рудольфович Савинов (снимкыште). Пӧтъял школым тунем пытарымекыже, Помарысе училищыште шинчымашыжым нӧлтен, вара Йошкар-Олаште учебный комбинатыште газоэлектросварщик профессийым налын. 1986-1987 ийлаште кочам Афганистаныште шке воинский порысшым шуктен. Кабул олаште радиотехнический батальонышто связистлан служитлен да шуко медаль дене палемдалтын. Тудо тиде сар нерген каласкалаш ок йӧрате. Кызыт кочам Кугу Шарачаште 32-шо номеран отдельный пожарный постышто пашам ышта. Тул ваштареш кучедалеш. Мый кочам дене кугешнем да пайрем дене саламлем.
Кызыт Шочмо элыштына пуламыр жап озалана. Меат, йоча-влак, кертмына семын полшаш тыршена. Мый шкемын погымо оксам, вургемым, сӱретым, серышым колтенам. Ковам маскироватлалтме сеткым пидаш кажне кечын коштеш. Айста чылан рӱж ушнен, тӱрлӧ семын полшен, тыныс илышым арален кодена!
Ульяна САВИНОВА.
Волжский, Пӧтъял школ пеленысе Йоча усталык пӧрт.
Фотом еш архив гыч налме.
