Республикысе марий тӱвыра рӱдер «Пеледше тукым» республикысе онлайн конкурсым иктешлен. Шкет мурышо-влак коклаште Медведево посёлкысо 2-шо номеран «Солнышко» йочасад гыч Кристина Епанечникова икымше верыш лектын. Ты йочасадын «Незабудка» группышкыжо коштшо икшыве-шамычын пашаштым «Авамлан пӧлек» таҥасыште (чылаже – 89 паша) эн сайлан шотленыт. Оршанке район Кугунур селасе «Изи мӱкш» йочасадын ньогаже-шамыч ансамбль дене мурымаште ойыртемалтыныт. Куштышо-влак коклаште Медведево посёлкысо 6-шо номеран «Колокольчик» йочасад гыч ӱдыр-рвезе-влак сеҥышыш лектыныт.
