Мыланем адакат пиал шыргыжалын. Апрельыште Моском ужаш логалын. У Торъял школ гыч Кира Миронова, Советский район Кельмаксола школ гыч Ирина Писарева да мый (снимкыште) «Мыйын кундемысе верысе кучемын историйже» российысе конкурсын участникше лийынна. Тений конкурсыш Российын 87 регионжо гыч 1773 йодмаш пурен. Тышеч тӱжем участник пашажым очно арален. Нунын коклаште меат лийынна. Шочмо кундемысе талешке нерген кокымшо ий палдаренам да тидын дене кугешнем.
Родион НЕБОГАТИКОВ.
У Торъял, Токтарсола.
Фотом еш архив гыч налме.
