20 майыште Республикысе йоча да самырык-влаклан В.Х.Колумб лӱмеш книгагудышто «Колумб лудмаш» оласе поэзий конкурс эртаралтын. Йочасадыш коштшо, школышто тунемше, студент-влак поэтын почеламутшым марла да рушла сылнын лудыныт. Изирак ийготан-влак коклаште 53-шо номеран «Изи патыр» йочасад гыч Маша МАМАЕВА да 11-ше номеран «Гнёздышко» йочасад гыч Лиза Купцова сеҥышыш лектыныт. А.С.Пушкин лӱмеш 4-ше номеран гимназийын тунемшыже Таня Зыкова да И.С.Палантай лӱмеш тӱвыра да сымыктыш колледжын Национальный сымыктыш гимназий гыч Максим Фёдоров 8-10 ияш-шамыч коклаште ойыртемалтыныт. Сеҥыше-влакым шокшын саламлена!
