Ныл йолан йолташем – Путя. Шем мамык пунан, ужар шинчан пырыс. Чапаже да оҥжо ошо. Пуйто носким чиен, шӱй йырже мотор шарфым пӱтыралын. Путя пеш шыма да ласка. Мый туддене модаш куанем. Малаш моткоч йӧрата. Йӱдым воктекем пызнен возеш.
Тимофей ВОРОНЧИХИН.
2-шо номеран Шернур школ.
Фотом еш архив гыч налме.
Кеҥежым шокшо игече годым айдемылан веле огыл, янлык ден кайыквусылан, суртвольык ден сурткайык, сурт янлыкланат куштылго огыл. А кужу, чока пунан пий-влак ты пагытым кузе илен эртарат? Нуным эскерыме шотышто…
Тений кеҥежым ик эн кугу шонымашем шукталте. «Орлёнок» всероссийский рӱдерыш, «Олимпийский» лагерьыш миен тольым. Тушко логалаш манын, эн ончыч ме Волжск оласе экологий рӱдер пеленысе «Хранители леса» школ лесничестве дене…
