Елизавета Поликарпова Кужэҥер район Йӱледӱр кыдалаш школышто икымше классыште тунемеш. Яра жапыште кагаз гыч пӱчкедаш, сӱретлаш кумылан. Янлыкым сӱретлаш ӱдырлан поснак келша. Коваже Ю.Ю.Поликарпова дене, книгам чӱчкыдын шергалыт. Нуно шукыж годым йомакым лудыт. Елизавета коважлан сурт сомылкамат ышташ полша. Тудым чот йӧрата да пайрем дене шокшын саламла.
Кеҥежым каныме, юарлыме шуэш. Туге гынат ты пагытыште ятыр сомыл улмым ме раш палена. Садлан ача-аваланна полшена. Школ кумдыкымат эрыкташ коштына. 27-31 июльышто школ стадионышто шудым удыренна (снимкыште). Тыге кумдык…
8 август — пырысын тӱнямбал кечыже. Эртыше ийын йочасадыште «Ме тыйын йолташет улына» кружокым вӱденам. Икшыве-влак дене пырыс нерген идалык мучко кутыренна. Тӱрлӧ урлыкым таҥастаренна, шымлымашым ыштенна. Йоча-шамыч шке сурт…
