Школышто Россий калыквлакын икоян улмо идалыкым «Мы разные, но мы вместе» сылнымут да мурсем пайрем дене почынна (снимкыште). Унчо ялшотан илемым вуйлатыше И.М.Евсеев ончыкыжымат ваш келшен илаш тыланен.
Школышто марий, руш, татар, чечен, азербайджан, узбек калыкын икшывышт-влак тунемыт. Нуно шке вургемышт, кочкышышт, йӱлашт нерген каласкаленыт, куштымашыштым ончыктеныт. 4-ше классыште тунемше-влак «Я – гражданин России» мурым йоҥгалтареныт. Ме тӱрлӧ улына, но эре келшен илена. Пырляште – вий.
Людмила ИЛЬИНА.
Морко, Унчо.
Фотом школ архив гыч налме.
