«Самырык профессионал-влак» (WorldSkills Russia)

Марий Элыште 17-21 февральыште «Самырык профессионал-влак» (WorldSkills Russia) регион кӱкшытан VIII Открытый чемпионат эртаралтын. Тудын тӱҥ шонымашыже – пашазе профессийын авторитетшым нӧлташ. Чемпионатыш Марий Элысе 32 тунемме тӧнежла гыч 14-22 ияш 315 ӱдыр-рвезе ушнен. Эн изи ийготан – Кужэҥер посёлкысо 1-ше номеран школ гыч Иван Головин. Тудо кермычым оптымаште мастарлыкшым терген. Тиде пашалан пел ий ончыч шӱмаҥын. Туныктышыжо – Е.Н.Дудина. Ончыкыжым рвезе шке гыч пӧртым чоҥаш шона.