«Пеледше тукым» республикысе конкурсын районысо йыжыҥже 3-шо номеран Медведево школышто эртаралтын. Таҥасымашке йочасадыш коштшо ятыр ӱдыр-рвезе ушнен. Нуно тӱрлӧ номинацийыште усталыкыштым тергеныт. У Арбан (Новый) посёлкысо «Радуга» йочасадын воспитанникше-влак куштымаш таҥасыште кумшо верым сеҥен налыныт. Йочасадыште марий тӱвыралан кугу тӱткыш ойыралтеш. Ӱдыр-шамычын сеҥымашышт пашам ышташ эшеат кумылаҥден.
И.СЕМЕНОВА.
Медведево район.
