Усталык школышто поэзийлан кугу тӱткыш ойыралтын. Мемнан деке лӱмлӧ поэт-влак Л.Иксанова (снимкыште) ден З.Висвис толыныт. Шке творчествышт дене палдареныт, савыктен лукмо книгалаштым ончыктеныт, ятыр каҥашым пуэныт.
Варажым самырык поэтессе-влак Х.Александрова да Т.Соловьёва дене вашлийынна. Нуно рифмым чын кычалаш туныктен, ритм нерген ойленыт. Ныл корнан почеламутым тӱшкан возенна. Меат ынде почеламутым сераш кумылаҥынна. Мастер-классыште ойыртемалтше ныл юнкорлан: Региналан, Анналан, Володялан да Вероникалан –Христина Александрова шке книгажым пӧлеклен. Чапле да шергакан пӧлекеш автор кидпалыжым пыштен.
Вероника МАМАЕВА.
Кузнеч.
Николай ГРЕБНЕВ.
У Торъял, Токтарсола.
