Шочмо кундемысе пÿртÿсым аралаш да тÿзаташ самырык тукымым кумылаҥденак шогыман. Мутлан, пушеҥге озымым шындымаш нунылан поснак келша. Тыге ÿдыр-рвезе-шамыч сомылыштын лектышыжым ужыт, поро пашам ыштен кертмыштым умылат, шкалан да воктен улшо еҥ-шамычлан куаным пӧлеклат. Волжский район Пӧтъял школышто тунемше-шамычат «Сеҥымаш сад» акцийышке ушненыт. Школ воктенысе кумдыкышто олмапум да шоптырвондым шынденыт. Ынде нуно кушмыштым эскераш тÿҥалыт. Тыге йоча-шамыч пÿртÿсым йӧраташ да аклаш тунемыт.
Нина ВАСИЛЬЕВА.
Татьяна ВАСИЛЬЕВАН фотожо.
