1-ше номеран Шернур школын 9-ше классыштыже тунемше Паулина АБРАМОВА – школын президентше. Тунемше-влакын самоуправленийыштым вуйлаташ тиде тунемме ийыште ӱшаненыт.
– Школышто сайлымаш эртаралтын. Эн ончыч агитаций кампаний лийын: ме, кандидат-влак, тунемше-шамыч дене вашлийын, шкенан нерген каласкаленна, ончыкыжым ыштышаш пашана дене палдаренна. Мый вучыдымын эн шуко йӱкым погенам. Тидлан моткоч єрынам. Чонышто тургыжланымаш лийын, – ойла чолга ӱдыр.
Кызыт Паулинан вачӱмбалныже – кугу сомыл: ӱдыр-рвезе-влакым шкеж гаяк чолга лияш тараташ. Марий ӱдырлан лидер койыш-шоктышым вияҥдаш «Импульс» республикысе лагерьыште лиймыже полшен. Тудо «Миг» лидер школышто келге шинчымашым налын: чын кутыраш, калык дене пашам ышташ тунемын. Тидын дене тунемше-влакымат палдараш шона.
– РДШ-лан кєра мый еҥ-влак дене чоным почын кутыраш, нунын дене кылым куштылгын ышташ, иктаж-мом ум, ойыртемалтшым шонен лукташ тунемынам. Тиде ончыкылык илышыште моткоч пайдале, шонем, – ойла Паулина.
Марий ӱдыр ончыкыжым туныктышо але юрист лияш шона, садлан кызыт экзаменым кучаш кыртмен ямдылалтеш. Историй дене кылдалтше ятыр книгам лудеш, документальный кино-влакым онча. Шукерте огыл М.Зыгарьын «Вся кремлёвская рать» книгажым лудын. Тушто Российын кызытсе историйже нерген ойлалтеш. ™дыр-рвезе-влак, тыландат лудаш темла.
