Шочмо-кушмо мланде – тиде лаштыра ото, шем кожла, кумда нур, яндар вÿд… А кушеч тудо тӱҥалеш? Илыме пєрт гыч, кудывечысе икымше йолтошкалтыш гыч, урем пече воктенысе ломбо гыч, тошкемыште шогышо кудыр йолван куэ гыч…
Морко кундемыште 23 тӱвыра пӧрт пашам ышта. Кеҥежым йоча-влаклан кугу тӱткышым ойырат. Тений «Марий Элыште – каникул» фестивальышке ушнымо. Кораксола тӱвыра пӧрт пелен «Кече» сводный отрядым чумырымо. Ик кечын ӱдыр-рвезе-влакым Шӱргыялышке экскурсий дене намиенам. Валентин купым ончыктенам, Пӧтыр курыкыш кӱзыктенам, изак-шоляк Янсит ден Яким нерген каласкаленам. Янситше яллан тӱҥалтышым пыштен, Якимын суртшо корем серыште лийын. Тыге Яким корем шочын. Пӧтыр курык кок уремым ойыра. Йоча-влаклан Шӱргыял памаш, ямле пуртӱс поснак келшеныт.
Е.В.ГРИГОРЬЕВА.
