Мый Шорыкйол пайремым пеш йӧратем. Кажне ийын ты пайремлан Морко районысо Кораксолаште илыше Роза ковам ден Валерий кочам деке унала каем. Теният ты йӱлам шуктенам. Ялыште икмыняр йоча пырля погыненна да Шорыкйол мӧчӧр лийынна (снимкыште). Кораксола ял мучко коштынна. Кажне пӧртыштӧ мемнам порын вашлийыныт. Мелна, пӱкш да моло тамле кочкыш дене сийленыт. Шорыкйол пайрем сай шарнымашым коден.
Регина ГРИГОРЬЕВА.
2-шо номеран Морко школ.
Шочмо йылмын тӱнямбал кечыже вашеш Татарстан Республикысе Микай (М.С.Герасимов) лӱмеш Элнет кыдалаш школышто «Самырык тукым» регион-влак кокласе йоча фестиваль кандашымше гана эртаралтын (снимкыште). Тушто Татарстан Республик Агрыз, Менделеевск, Мензелинск районла,…
Калык йӱлам аралыме да пойдарыме пашашке самырык тукымым кумылаҥдымаш ик эн кӱлешанлан шотлалтеш. Тыгай шонымаш денак «Кугезе вож» республикысе фольклор фестиваль кумло ий наре эртаралтеш. 27 февральыште Морко посёлкысо тӱвыра…
