8 январьыште Балтач районысо Ӱлыл Йыванай ял гӱжлен. «Шорыкйол» регион-влак кокласе пайрем (снимкыште) латкок районым иквереш ушен. Ты кечын муреныт, куштеныт, тӱрлӧ таҥасымаште вийыштым тергеныт. Тыгак поян ярмиҥга лийын.
Верысе школышто тунемше-шамычат пайремышке ушненыт. 10-шо классышке коштшо ӱдыр-влак Виолетта Каляева ден Венера Исакаева Римма Ипаева кокайын вӱташтыже эсогыл шорык йолым кученыт. Нунылан пеш келшен.
Пайремым ончыкыжымат эртараш тӱҥалыт манын ӱшанена. Самырык тукым шочмо калыкшын йӱлажым сайын пала гын, ончыко ӱшанлын каен кертеш.
Н.А.БЕЛЯЕВА.
Башкортостан Республик.
Авторын фотожо.
