«Сокыр» теннис

Ӱстембал теннис дене кє модын огыл?! Тудым изижат, кугужат йєратат. Эсогыл начарын ужшо, сокыр еҥ-влакланат тыгай модышым шонен луктыныт. Тудо шоудаун маналтеш. Шоудаунын «ачаштлан» Канаде гыч Джо Льюис ден Патрик Йорк шотлалтыт. Спортын тиде видше нерген Нидерландысе Арнем олаште 1980 ийыште эртаралтше Паралимпийский модмаш деч вара пӱтынь тӱня пален налын.

Йошкар-Ола воктене верланыше Савино школ-интернатыште шоудаун дене куд ий модыт. Тиде кружокым С.Е.Короткова вуйлата.

– Шоудаун начарын ужшо але сокыр икшыве-влаклан шукырак тарванылаш,  уш-акылым вияҥдаш полша. Йоча-шамыч шонымашкышт шуаш, пашам кыртмен ышташ тунемыт, – ойла Светлана Евгеньевна.

Шоудаун теннис ден аэрохоккейым ушымо дене шочын. «Сокыр» теннис дене модаш лӱмын келыштарыме авыртышан ӱстел, «мурышо» изи мече, кужурак кутышан пу ракетке, парняшан пижерге, шинчам петыраш маске (чылан иксемын огыт уж) кӱлыт. ™стелыште кок могырым мешак сынан капка уло. Тушко мечым пуртыман. Модшо-влак огыт уж, садлан мечын кушто улмыжым йӱк дене палат. ™дыр-рвезе-шамычын модмыштым судья эскера.

– Начар ужшо-влакат тале спортсмен лийын кертыт. Нуно пӱсє ушан, писын тарванылше, таза капкылан улыт. Йоча-шамычлан вияҥашышт школ-интернатыште чыла йєным ышташ тыршена, – ойла С.Е.Короткова.

 

  • Related Posts

    Еш – кумда сандалык

    Звенигово район гыч Толстовмыт еш (снимкыште) нерген иктаж уверым колам але лудам гын, шинча ончылнем эн ончыч изи Полина сӱретлалтеш. 2019 ийыште «Изи поҥгызо» конкурсыш ушнымо фотожо тачат ушыштем. Ӱдыр…

    Салам, пырыс ден кок кролик!

    Sanrio япон компаний тӱнялан шуко оҥай персонажым пӧлеклен. Герой-влакын сӱретыштым вургемым, канцелярий да шуко вес арверым ыштымаште кучылтыт. Hello Kitty, Мелоди ден Куроми поснак ойыртемалтыныт. Hello Kitty – ош пырыс,…