Районыштына усталык шӱлышан ӱдырамаш Нина Щербакова (снимкыште) ила. Ту-до почеламутым, поэмым воза. Произведенийлажым йоча ден кугыеҥ-влак куанен лудыт. Мыят шукерте огыл эртаралтше «Марий йылмын юзо вийже» районысо фестиваль-конкурсышто, тудын сылнымут саскажым сылнын каласкален, кокымшо верым сеҥен налынам.
Поэтессе Кугу Шӱвылак ялеш шочын. Туштак пашам ышта, калыкым тӱрлӧ сынан мероприятийла дене куандара. Н.Щербакован мутшылан ятыр муро уло. Нуным С.Строганова, И.Соловьёв, А.Юнусов, Н.Ильина, А.Ирбулдина да молат йоҥгалтарат. Талешкына дене кугешнена.
Н.Л.ЕГОШИНА.
У Торъял школ.
