Школьник-влакын росси-йысе толкыныштын лидерже-влак коклаште утларакше ӱдыр-шамыч улыт. Чолга рвезым вашлиймеке, чонышто куан тул ылыже. Палыме лийде шым чыте. Тиде 3-шо номеран Советский школын 6-шо классыштыже тунемше Максим АКУЛОВ.
Тиде толкыныш рвезе изаж почеш 1-ше классыште тунеммыж годымак ушнен да икымше кече гычак чолгалыкше дене ойыртемалтын. Сеҥымашыже ятыр погынен. Эн кугужлан «100 малоизвестных фактов о Республике Марий Эл» районысо РДШ штаб-влакын медиагруппыжо-шамыч конкурсышто икымше верыш лекмыжым, «Эстафета добра» поро кумылым ончыктымо акцийыште кокымшо верым сеҥен налмыжым шотла.
Тупрӱдым туран кучымо дене кылдалтше проектым возымеке, ятыр конференцийышке ушнен да ончылно лийын. Тыге сеҥымаш «шондыкшо» пойдаралтын да «Артек» тӱнямбал йоча рӱдерыш наҥгаен.
– Кеҥеж каникулем «Артекыште» тӱҥалын. Чоныштем могай кугу куан да пиал лийыныт?! Тиде сеҥымашем пытартыш огыл, шонем. Шокшым кергалтен пашам ыштем гын, «Сириус» тунемме рӱдерышкат миен толам. «Артекышке» эше ик гана логалаш тыршаш тӱҥалам. РДШ, тау тыланет! – ойла Максим.
