Ешыште вич йоча улына. Георгий изам – Российын спорт мастерже, Сергей – спорт туризм дене спорт мастерыш кандидат. Шӱжарем-влак ориентирований направленийым ойыреныт. Мый Медведево район Нурма школышто 9-ше классыште тунемам. Спорт туризм да ориентирований дене лу ий наре кылым кучем. Йошкар-Оласе «Азимут» йоча да самырык-влак рӱдерыш коштам. Оласе, районласе, республикысе, российысе таҥасымашлаште сеҥыше-шамыч радамыште улам. 2022 ийыште Байкал ер дене эртаралтше спорт туризм дене Российын первенствыштыже таҥасенам. 2023 ийыште Марий Элыште эртаралтше российысе таҥасымаште спорт мастерыш кандидатын норматившым шуктенам. Спорт тиде – тазалык. Таза айдеме нелым куштылгын сеҥа.
Игорь ДМИТРИЕВ.
