Мый тукым ковам Антонина Наумовна Рассолова (снимкыште) дене кугешнем. Тудо Руясола комплексыште 35 ий дояркылан пашам ыштен. Пашашке кум шагат эрденак каен, кастене веле пӧртылын гынат, сурт сомылкамат ыштен шуктен, ешыжланат эҥертыш лийын. Пашам кыртмен ыштымыжлан ковамлан тӱрлӧ медальым, орденым кучыктеныт. Кызыт сулен налме канышыште гынат, яра ок шинче, чылалан полшаш ямде.
Юлия ЯГОДАРОВА. Советский, Кельмаксола.
Фотом еш архив гыч налме.
«Защитники Отечества» фонд «Памяти героев верны!» всероссийский усталык конкурсым иктешлен. Специальный военный операцийын событийже, участникше-влаклан пӧлеклалтше «Авторын фотографийже» таҥасыште Волжский район Памар школышто 1-ше классыште тунемше Аврора Баринова (снимкыште) сеҥышыш…
Снимкыште авам дене коктын улына. Авам Светлана Александровна школышто завхозлан пашам ышта. Тудо кидпашалан мастар, пидаш йӧрата. Меат Аделина акам дене почеш огына код: тӱрлӧ пушкыдо модышым пидына. Аванам чотак…
