Тунаре шӱдыр чӱчкыдӧ –
Вет пуйто чынжымак
Тӱжем понарым чӱктымӧ
Кугу тӱня ӱмбак.
Чӱчкат йӱд тымык южышто,
Волгалтыт да йӱлат.
Да мланде мучко ужмыштым
Йӱк деч посна ойлат.
Ончем почалме-кумымо
Йӱд шӱдырын шинчам…
Тыят ончет дыр нунымак,
Окна воктен шинчал.
Тугеже йод тый шӱдыр деч:
Кузе окоп воктен
Чот ужмо шумо ӱдыр верч
Боецын чон корштен?
Миклай КАЗАКОВ.
Китне ялысе тӱвыра пӧрт пелен «Шонанпыл» йоча площадке кокымшо ий пашам ышта. Тушко ме куанен коштына. Клуб вуйлатыше Татьяна Григорьевна Ядыкова ден селасе книгагудо пашаеҥ Анна Валентиновна Кибардина кумылан кажне…
Медведево посёлкысо 6-шо номеран «Оҥгыр» йочам вияҥдыме рӱдерыште «Волжские узоры» районысо дефиле-конкурс эртаралтын. Тушто Юл кундем федерал округышто илыше калык-шамычын национальный вургемышт дене палдареныт. Ты йочасадын кугурак группышкыжо коштшо ӱдыр-рвезе-шамыч…