Тыршет – сеҥымашке шуат

13 январьыште Российыште Печать кечым палемденна. Республикысе журналист-влак Марий Эл Правительствын премийжылан увертарыме конкурсышто усталыкыштым тергеныт. Марий Элым Вуйлатыше А.А.Евстифеев сеҥыше-влакым саламлен. «Шӧртньӧ пера» премийым «Марий Эл» ГТРК-ан  корреспондентше Вера Чистова сулен. «Йоча да самырык-влакын проблемыштым ончыктымо эн сай паша» номинацийыште «Кугарня» газетын корреспондентше Надежда Моисеева ойыртемалтын.

«Ямде лий» газетын – шке сеҥымашыже. Йоча прессын «Волшебное слово» VII всероссийский конкурсыштыжо «За преданность делу» таҥасыште сеҥышыш лектын.

Мемнан пашаеҥна Христина Александрова Науко да технологий идалыклан пӧлеклалтше республикысе конкурсышто «Науки юношей питают» таҥасыште сеҥыше лийын. Саламлена!