У толкын

 14 июлышто Россий Президент В.В.Путин йоча да самырык-влакым иктеш ушышо толкыным ыштыме нерген пунчалеш кидпалыжым пыштен. Тылеч вара паша воранен каен. Йоча да самырык-влакын российысе толкыныштын (РДДМ) икымше съездше 18-20 декабрьыште Москошто эртаралтын. Российын 89 регионжо гыч ӱдыр-рвезе-влак ушненыт. Нунын коклаште – Марий Эл гыч делегаций. Йоча да кугыеҥ-влак тӱрлӧ лекцийым колыштыныт, мастер-классым онченыт, волонтёр паша, пеҥгыде тазалык верч шогымо, наукым да технологийым вияҥдыме да моло нерген кутыреныт. Лекше йодыш-влаклан вашмутым кычалыныт. Толкынлан у лӱмым пуымо верч йӱкленыт. «Движение первых» эн шуко йӱкым поген.