22 октябрьыште Шернур район Купран школышто «Шернур вел» дене пырля!» усталык лабораторийым эртаренна. Мыланем йоча-влак дене пашам ышташ келшен. 2020 ийыште «Ямде лий» газетын эртарыме «Самырык журналист» онлайн школышто налме шинчымаш шӱкалтышым ыштен. Йоча-влакым заметкым возаш, интервьюм налаш туныктенам, газетым пырля сӱретленна. Классыште усталык шӱлыш озаланен. Кажне школышто тыгай усталык лабораторий пашам ышташ тӱҥалеш гын, юнкор-шамыч шукемыт, шонем.
Дима ВЕДЕНЬКИН.
1-ше номеран Шернур школ.
