17-23 июльышто Абхазийысе Сухум олаште «Алтын Майдан-Абхазия» тӱнямбал фестиваль эртаралтын. Участник-влак муреныт, куштеныт, тӱрлӧ семӱзгар дене шоктеныт, сӱретленыт, кидпашам ыштеныт. Марий Эл гыч Йошкар-Оласе Бауман лицей пеленысе «Лира» сымыктыш школын «Узоры» мурышо да куштышо йоча образцовый ансамбльын изирак группыжо (снимкыште) миен. Вуйлатыше – А.С.Речкина. Ӱдыр-рвезе-влак марий такмакым муреныт, совла дене шоктеныт, марий куштымашым ончыктеныт. «Фольклор ансамбль» таҥасыште сеҥышыш лектыныт. Шокшын саламлена!
