Кумшо чырыкын пытартыш тунемме арняштыже 6-шо «Б» классыш кажне кечын уна-влак, мемнан наставникна, ача-авана-шамыч, толыныт. Икымше кечын Павелын аваже, Татьяна Николаевна (снимкыште), книган пайдаже нерген каласкален. Йӧратыме книгаже-влак дене палдарен. Сылнымут дене кылдалтше верлаште лиймыж нерген ойлен. Кокымшо кечын Диман аваже, банк пашаеҥ Ольга Васильевна, финанс нерген шинчымашнам пойдарен. Кумшо вашлиймаш туныктымо пашан ветеранже Н.П.Порватова дене лийын. Тудо 2026 ийысе Паралимпиаде нерген каласкален. Арням Мишан аваже, Анна Геннадьевна, мучашлен. Тудо шочмо Чуваш Республикыж дене палдарен. Тыгай вашлиймаш-влак мыланна моткоч келшеныт. Ончыкыжымат эртараш тӱҥалына.
6-шо «Б» классыште тунемше-влак.
Звенигово, Чакмарий.
Фотом школ архив гыч налме.
