Российын 1000 эн сай туныктышыжо радамыш Марий Эл гыч вич туныктышо логалын. Тиде Руэм посёлкысо Шуко профилян лицей-интернатыште да Советский посёлкысо 3-шо номеран школышто физикым туныктышо-влак Н.С.Токарева, О.А.Костюнина, Йошкар-Оласе Бауман лицейыште да Звенигово район Шолэҥер школышто руш йылмым да литературым вӱдышӧ-влак Н.А.Каршиева, М.С.Виногорова, Йошкар-Оласе Т.И.Александрова лӱмеш 11-ше номеран лицейыште историйым да обществознанийым туныктышо Д.А.Лобанов. Нуно 200 тӱжем теҥге премий дене палемдалтыныт.
