Марий Элыште «Йочам сайын ончен куштымылан» Чап знакым вич еш сулен. Тудым регионым Вуйлатыше Юрий Зайцевын темлымыж почеш Аван кечыже лӱмеш икымше гана кучыктеныт. Еш-влак тунеммаште, спортышто, усталык аланыште, шанче пашаште, сымыктышыште кӱкшытыш шушо икшыве-шамычым ончен куштат. Шернур район гыч Татьяна ден Сергей Шабдаровмыт уста ныл ӱдырын да йыгыр кум рвезын ача-авашт улыт. Звенигово район Елена ден Эдуард Батаевмыт дене кугешна. Вате-марий вич икшывылан илышым пєлекленыт, шым йочам ашнаш налыныт. Волжский район гыч Тамара Яранцева чон шокшыжым ашнаш налме индеш икшывылан пєлекла. Юрино район гыч Лидия ден Евгений Овсянниковмытын шочшышт йол ӱмбаке шогалыныт. Кок эргыжат сарзе корным ойырен налын. Чап знакым художественный гимнастике дене Российын спорт мастерже Юлия Козлован ешыжат сулен. Ава кум икшывым ончен кушта.
