Ик каныш кечын еш дене Озаҥысе зоопаркышке экскурсий дене миенна. Тушто 145 тӱрлӧ янлык ила. Тышечын 27 янлыкым Йошкар книгашке пуртымо. Мый янлык-влакым йӧратем. Маймылым, гориллым, бегемотым да крокодилым ӧрын онченам. Лев, леопард да гепард тушто илат. Южо янлыкшым икымше гана ужынам. Зоопаркын шке правилже уло. Мутлан, янлык-влакым пукшаш, лӱ-дыкташ, клеткыш тӱрлӧ арверым кышкаш огеш лий.
Полина АЛЕКСЕЕВА.
Морко, Коркатово.