Месяц: Август 2021

«#ЯБерегу» всероссийский экологий фотоконкурсышто мастарлыкдам тергыза. 5 сентябрь марте яберегу.рф сайтыште йодмашым пуыза да фотографийым колтыза.

Кажне кумылан еҥ «Мый – грамотный йолешке» всероссийский акцийыш ушнен кертеш. Сӱретым, почеламутым, фотографи-йым але вес усталык пашам centrideia@mail.ru адрес дене электрон почтыш 31 август марте колтыман.

Йошкар-Оласе «Башне» тӱвыра да ончер рӱдерыште сӱретче Наталья Орехован «Марий калыкын илыш азбукыжо» ончерже почылтын. Тыгаяк лӱман книгашкыже пурталтше сӱрет-влак дене палыме лияш лиеш. Ончер 1 ноябрь марте шуйна.

Марий Эл Республикым Вуйлатышын пунчалже почеш, кундемыштына 4 сентябрь гыч турнявӧчыжым погаш лиеш. Законым пудыртышо-влак-лан штрафым тӱлыктат.

Марий Элыште 10 август гыч 7 сентябрь марте «Школыш погынаш полшо» поро кумылым ончыктышо акций эртаралтеш. Школлаште штаб-влак улыт. Пӧлек шотеш тетрадьым, портфельым, школ формым, йолчиемым да молымат кондаш лиеш.