Шочмо эл, порылык да чын верч!
Шочмо йылмын тӱнямбал кечыжлан пӧлеклалтше «Почеламутым марла лудына» конкурс Волжский районышто эртаралтын. Таҥасымашке тунемше ден туныктышо-влак ушненыт. Икымше верым Елизавета Тимофеева (Сотнур, 2-шо кл.), Анна Дмитриева (Упшер, 5-ше кл., снимкыште), […]
14 ияш деч кугурак ийготан ӱдыр-рвезе-влак «Образ Петра Великого» всероссийский усталык конкурсыш ушнен кертыт. Тудо Петр I шочмыжлан 350 ий теммылан пєлеклалтеш. Йодмашым 1 июнь марте великийпетр.рф сайтыште пуыман.
Тунемше, студент, туныктышо, журналист-влаклан «Узнай Россию. Предприниматели-земляки» всероссийский конкурс эртаралтеш. Тӱрыс уверым glory-gallery.ru/predprinimateli-zemlyaki сайтыште ончыман.
«Лучший урок письма» всероссийский конкурсыш тунемше, студент, туныктышо да моло-влак ушнен кертыт. Йодмашым да пашам 15 август марте колтыман. Тӱрыс увер – vsekonkursy.ru сайтыште.
Тунемше-влакын всероссийский олимпиадыштын регионысо йыжыҥыштыже 134 йоча сеҥыше да призёр радамыш лектын. Келге шинчымашым ончыктышо-влак иктешлыше йыжыҥыште таҥасат. Тудо 18 март гыч 30 апрель марте лиеш.