Школышто тунемше-влаклан «Эко-Артек» всероссийский конкурс эртаралтеш. Кум таҥас гыч иктыжым ойырен, экологий проектым возыман. Йодмашым да пашам eco@artek.org адрес дене электрон почтыш 20 июнь марте колтыман.
Месяц: Март 2022
У мутер
«Марий йылмын эпитетше-влак» мутерым Л.Абукаева, А.Чемышев, А.Митрускова ямдыленыт да савыктен луктыныт. Мутерын электрон версийжым fu-lab.ru сайтыште «Cловари» ужашыште муаш лиеш.
«Ший мундыра»
16 ияш да кугурак ийготан еҥ-влакым «Ший мундыра» регион-влак кокласе онлайн-конкурсыш ушнаш ӱжыт. Йӱлам, куштымашым, модышым ончыктыман, мурым мурыман да видеом mari-centr_konkurs@mail.ru адрес дене электрон почтыш 1 апрель марте колтыман.
«Ме шарнена, ме кугешнена»
Кумылан-влак «Ме шарнена, ме кугешнена» республикысе усталык конкурс-акцийыш ушнен кертыт. Йодмашым 1 гыч 15 апрель марте konkurs@metr12.ru адрес дене электрон почтыш колтыман.
Йоча ден самырык-влаклан книга арня
25-31 мартыште Йошкар-Оласе книгагудылаште Йоча ден самырык-влаклан книга арня эртаралтеш. Лудшо-шамычлан тӱрлӧ викторине, конкурс, сылнымут модыш, квест, мастер-класс, турнир лийыт.