8-11-ше класслаште тунемше ӱдыр-рвезе-влак «Безопасный интернет» всероссийский конкурсышто мастарлыкыштым терген кертыт. Келшыше темым ойырен, сочиненийым возыман да konkurs@findchild.ru адрес дене электрон почтыш 25 июнь марте колтыман.
Месяц: Май 2022
«Арт-Ботаника»
7 ияш деч кугурак ийготан йоча да кугыеҥ-влак, тӱрлӧ техникым кучылтын сӱретым сӱретлыза да «Арт-Ботаника» всероссийский конкурсыш ушныза. Йодмашым да пашам 15 сентябрь марте колтыза. Тӱрыс увер – tuntuk.ru сайтыште.
#СпросиСтроителя
6-14 ияш икшыве-влаклан #СпросиСтроителя всероссийский йоча конкурсым увертареныт. Чоҥымаш да чоҥымо специальностьла дене кылдалтше йодышым шоныман. Текстым але видеом yasb.22@mail.ru адрес дене электрон почтыш 20 июль марте колтыман.
«Йоча тӱня»
Республикысе марий тӱвыра рӱдер марий йылмым тунемше да тӱрлє конкурсышто сеҥышыш лекше ӱдыр-рвезе-влаклан 1 июньышто «Йоча тӱня» республикысе пайремым эртара. Тудо Йошкар-Олаште Самырык-влакын полатыштышт лиеш.
«Майатул» аллей
Йошкар-Оласе Тӱвыра да каныме паркыште ынде «Майатул» аллей уло. Финн-угор театр-влакын вуйлатышышт, артистышт таче шолым, ваштарым, тумым, арамам шынденыт