Удмурт Республик:
Одо калык шке элжым пельменьын шочмо вержылан шотла, сандене кажне еш пайремлан тиде кочкышым ямдыла. Кӧргыжлан шылым, колым, пакчасаскам, емыжым да чодыра шудым кучылтыт. Йӱлаш пурышо эше ик кочкыш – перепечи. Тиде шере нӧнчык гыч ыштыме корзиҥга. Тушко шылым, пареҥгым, поҥгым, редисым оптат.
Ставрополь кундем:
Тиде кундемыште ногай калык ила. Нунын У ий пайремышт бешбармак деч посна огеш эрте. Бешбармак «вич парня» манын кусаралтеш, молан манаш гын тиде кочкышым кид дене кочман. Тыгак хинкалим, казан-боьрекым (пельменьым) да тӱрлӧ шӱрым ямдылат.
Ингушетий Республик:
У ий ӱстембаке халтамажым (шолтымо шыл ден соусан изи подкогыльо), чапильгым (вичкыж лепошка), хингалшым(кавунан вичкыж мелна) да халвам шындат.
Адыгей Республик:
Пайремлан шоганан шӧр шӱрым – ашрайым – ямдылат. Тудо 7 ингредиент гыч шога. Адыгей калык «шымытаным» шнуй числалан шотла.
Чуваш Республик:
Чуваш калык шартаным, колбасам ямдыла. Ожнырак шорык пагарышке шылым, чеснокым, петрушкым да тӱрлӧ специйым оптеныт, кызыт шартаным ышташ сӧсна да ушкыл шыл-влакым кучылтыт.
Крым Республик:
Лончан-лончан руаш гыч шылан, пареҥган, шоганан да помидоран когыльым кӱэштыт. Тудо кубете маналтеш. Тыгак емыжсаскан когыльым – пастельым – ӱстембак шындат.
