Ачан кечыже лӱмеш Йошкар-Оласе 61-ше номеран «Теремок» йочасадыште футбол дене модмаш эртаралтын. «Буратино» ден «Дюймовочка» группылаш коштшо йоча-шамычын ачашт-влак таҥасеныт. Пайрем поро шӱлышан, оҥай лийын. Ача-шамыч команде дене модмаште писе да чулым койыш-шоктышым ончыктеныт. Икшыве-влак моткоч йывыртеныт да ачашт дене кугешненыт. Сеҥышыш «Буратино» группын ача командыже лектын (снимкыште). Йочасад вуйлатыше Э.Т.Исламова грамот ден медальым кучыктен. Тыгай пайрем икте-весе кокласе вашкылым пеҥгыдемда. Кугыеҥ-шамыч йочаштлан примерым ончыктат.
Т.А.КУТЮКОВА.
Авторын фотожо.
