Арын школышто тӱрлӧ кружок пашам ышта. Иктыже – «Айболит».
Тудым Елена Викторовна Семенова вуйлата. Мый урок деч вара арняште кок гана «Айболитыш» вашкем. Туныктышына таза илыш-йӱла, чын кочкыш-йӱышым ойырымо да тулеч моло нергенат каласкала. Елена Викторовнан медицине аланыште пашам ыштыме опытшат кугу, шуко примерым конда. Мыланем практический занятий-влак келшат. Кызыт сусыргымо годым икымше полышым пуаш тунемына (снимкыште). Тыгай шинчымаш илышыште эре кӱлеш.
Ярослав ИЛЬИН.
Морко район.
Фотом школ архив гыч налме.
