Кажне еҥын йӧратыме вершӧржӧ уло. Тушто тудо шочын-кушкын, пӱртӱс деч вий-куатым налын, икымше йолтошкалтышым ӧрын-лӱдын ыштен…
Советский районын шочмо кечыже вашеш Михайловка ялысе книгагудын пашаеҥже Светлана Вячеславовна Моторова кандашымше классыште тунемше йоча-влаклан оҥай экскурсийым эртарен (снимкыште). Ты кундемыште лийше Веденевск ял нерген каласкален. Таче кечылан ты ял йомын. Олмыштыжо шудо кушкеш. А ожно тыште илыш шолын улмаш! Тидын нерген йоча-влаклан ӱжмӧ уна Лидия Ивановна Савченко каласкален. Тудо кодшо курымын 60-70-шо ийлаштыже почтальонлан пашам ыштен. Веденевск ялыште чӱчкыдын лиеден.
Ял йомын. Чонлан нелын чучеш. Эртыме корным лач йолгорно ушештара.
Эльвира СТЕПАНОВА.
Советский, Михайловка.
Фотом школ архив гыч налме.
