«МЭТР» телеканалын пашаж дене палыме лияш мыланем пеш келшен. Мыланна экскурсийым Вера Горохова эртарен. Журналист-влакын пашаштым онченна, студийлаште лийынна, йӱкым тӧрлымым эскеренна. Чылаже ныл студий уло. Эн кугу студийыште – 15 фон. Мо тыгай суфлёр, стэнд-ап, синхрон да моло нерген пален налынна. Микрофон ончыко шинчын, увер-влакым лудын онченна. Лӱдыкшӧ, но оҥай. Ала телевӱдышӧ лиям?
Володя ЯМБАШЕВ.
Волжский, Пӧтъял.
«Йочам сылнымут деке эр шӱмаҥдет гын, лектыш куандарыше лиеш», – манеш Морко район Арын кыдалаш школышто тӱҥалтыш класслам туныктышо Олимпиада Алексеевна Васильева. Тудо ӱдыр-рвезе-влакым икымше класс гычак тӱрлӧ конкурслан ямдыла.…
Ковам ден кочам посёлкышто илат. Мый нунын деке чӱчкыдын унала коштам. Ковам ден кочамын Люся пырысышт уло. Тудо мыйын поро йолташем (снимкыште). Кажне кечын ом уж гынат, садикте йӧратем. Шижам,…
