Волжский район Пєтъял школын тунемшыже-влак «ВместеЯрче» энергокуатым аралыме всероссийский фестивальыш ушненыт. Кажне классыште «Энергокуат да экологий» теме дене урок эртаралтын. Ӱдыр-рвезе-влак энергокуатым аралыме нерген шке шонымашыштым ойленыт, тӱрлӧ йӧным палемден коденыт. «Мый энергокуатым аныклем» теме почеш сӱрет конкурс лийын. Сӱретыште икмыняр классын пашажым ужын кертыда. Йоча-влак электротулым мӧҥгыштыштат аныклат. Тидын нерген анкетеш возеныт. Мутлан, пӧрт гыч лекмеке, пӧлемлаште тулым йӧртат; энергокуатым аныклыше лампым кучылтыт; телылан окнам шокшемдат. Фестивальым иктешлымеке, тунемше да туныктышо коллектив тыгай каҥашым ыштен: школысо класслаште да коридорлаште ик жаплан электротулым йӧрташ.
Н.И.ВАСИЛЬЕВА, директорын воспитательный паша шотышто алмаштышыже.
