Арбор вел калык Г.К.Васинкин дене кугешна. Музыклан изинек шӱман лийын. Школым тунем пытарыме деч вара келге шинчымашым налын. Школышто тӱҥалтыш класслам да музык урокым туныктен. Варажым «Арбор вел» ансамбльым вуйлатен. Геннадий Константиновичын вуйлатымыж годым коллектив Эстонийыште, Венгрийыште, Москошто лийын. Тудо йоча-шамычымат тӱвыралан шӱмаҥден. «Марий кумыл» йоча ансамбльым чумырен. Ик конкурсышто сеҥымыштлан «Орлёнок» йоча лагерьыш путёвкым пӧлекленыт. Пагалыме еҥ кызыт коклаштына уке. Тудын тӱҥалме пашажым самырык тукым умбакыже шуя. 2019 ийыште «Арбор вел» ансамбль Крымыште «Алтын Майдан» фестивальыште лийын. Тиде ансамбльыш ковам, Нина Михайлова, коштын. Кызыт Юлиан изам – ик эн чолга участник.
Эрвина МИХАЙЛОВА.
Марий Турек, Арбор.
