Марий Пыламарий школышто «Армейский чемоданчик» акций эртаралтын. Йоча-влак родо-тукымыштын фотографийыштым, вуйчиемыштым, медальыштым да моло арверыштым арня жапыште погеныт. Кажныжын – шке эртыме корныжо. Ӱдыр-рвезе-шамыч класс шагатыште нунын нерген кумылын каласкаленыт. Шарнымаш тукым-влакым уша да ожнысо жапым аклаш тарата.
Л.ЧЕРНОВА.
Марий Турек район.
