Тунемше, туныктышо, ача-ава-влаклан «Тӱвыра марафон» 8 ноябрь гыч 10 декабрь марте эртаралтеш. Российыште икымше кином ончыктымылан 125 ий теммылан пӧлеклалтеш.
Автор: Христина Александрова
«Заповедный пушистик»
1-11-ше класслаште тунемше, ача-ава, туныктышо-влак, 15-30 сантиметр кӱкшытан пушкыдо модышым ыштен, «Заповедный пушистик» всероссийский конкурсыш ушныза. Тӱрыс уверым rgpbz.ru сайтыште ончыза.
«Эрмитажлан экспонатым ыште»
Кажне кумылан еҥ «Создай экспонат для Эрмитажа» тӱнямбал конкурсыш ушнен кертеш. Шке ыштыме модышым 5 декабрь марте колтыман. Тӱрыс увер – tuntuk.ru сайтыште.
«Келшымаш урок»
Республикысе марий тӱвыра рӱдер «Урок дружбы» проектын пашажым умбакыже шуя. 10 ноябрьыште украин калыкын тӱвыра да йӱлаж дене палыме лийын кертыда, 17 ноябрьыште – татар-влакын, 24 ноябрьыште – армян-шамычын.
«Айдеме. Пӱртӱс. Усталык»
10-18 ияш ӱдыр-рвезе-влак, «Человек. Природа. Творчество» йырвелым шымлыше-влакын республикысе конкурсыштышт мастарлыкдам ончыктыза. Тушко ушнаш йодмашым да пашам marecolcenter@mail.ru адрес дене электрон почтыш 8 ноябрь марте колтыза.