Москосо Дарвиновский кугыжаныш тоштер «Не скучаю вместе с папой» всероссийский фотоконкурсым увертарен. Тушко кажне кумылан еҥ ушнен кертеш. Фотом 9 июнь марте колтыман.
Автор: Христина Александрова
«Российысе эн сай школ – 2021»
Марий Эл Республикысе школ-влак «Российысе эн сай школ – 2021» всероссийский конкурсыш ушнен кертыт. Йодмашым 9 сентябрь марте пуыман. Тӱрыс уверым shkolagoda.menobr.ru сайтыште ончыман.
«Российын идалыкысе пушеҥгыже – 2021»
«Марий Чодыра» национальный паркыште кушшо Пугачёвын тумыжо «Российын идалыкысе пушеҥгыже – 2021» лӱмым налын кертеш. rosdrevo.ru сайтышке пурен, 1 август марте йӱклаш лиеш.
Евсеевский лудмаш
Т.Евсеев лӱмеш Национальный тоштер ден Йоча да самырык-влаклан «Роза ветров» рӱдер 11-18 ияш ӱдыр-рвезе-влакым «Малые Евсеевские чтения» краеведений конференцийышке ушнаш ӱжыт. Йодмашым 1 октябрь марте колтыман.
«Порылык шӱмыштем тӱҥалеш»
«Интеллектуал» тӱвыра да увер рӱдер «Порылык шӱмыштем тӱҥалеш» сӱрет конкурсым эртара. Тушко 3-18 ияш еҥ-влак ушнен кертыт. Пашам 22 май марте налыт. Тӱрыс уверым mari-arslan.ru сайтыште лудса.