Республикысе марий тӱвыра рӱдер марий йылмым тунемше да тӱрлє конкурсышто сеҥышыш лекше ӱдыр-рвезе-влаклан 1 июньышто «Йоча тӱня» республикысе пайремым эртара. Тудо Йошкар-Олаште Самырык-влакын полатыштышт лиеш.
Автор: Христина Александрова
«Майатул» аллей
Йошкар-Оласе Тӱвыра да каныме паркыште ынде «Майатул» аллей уло. Финн-угор театр-влакын вуйлатышышт, артистышт таче шолым, ваштарым, тумым, арамам шынденыт
«Узоры» сеҥен
Йошкар-Оласе Бауман лицей пеленысе «Лира» сымыктыш школын «Узоры» мурышо да куштышо йоча образцовый ансамбльже «Российская школьная весна» всероссийский фестивальыште сеҥышыш лектын. Тудо «Российская студенческая весна» радамыште эртаралтын.
Краевед улат? Слётыш!
16-20 июньышто «Сосновая роща» тунемме да тренировкым эртарыме базыште самырык краевед-влакын республикысе слётышт эртаралтеш. Тушко 10 еҥан командым поген ушнаш лиеш. Тӱрыс увер – rv12.ru сайтыште.
Пӧтъял школ – ончылно
Тунемше-влакын «Президентские состязания» всероссийский таҥасымашыштын республикысе йыжыҥыштыже Волжский район Пӧтъял школын да Волжск оласе 9-ше номеран школын командышт сеҥышыш лектыныт. Нуно Марий Элын чапшым Российыште аралаш тӱҥалыт.