«История местного самоуправления моего края» всероссийский конкурсым иктешленыт. Козьмодемьянск оласе «Дарование» школ-интернатын тунемшыже Анна Ростовцева «Лидеры местного самоуправления» таҥасыште кокымшо верыш лектын.
Автор: Елена Иванова
Йошкар-Ола 438 ийым тема
6 августышто Йошкар-Ола 438 ийым тема. Ты кече мероприятий ден концерт-влаклан поян лиеш. Калык кочкыш фестиваль эртаралтеш. Пайремыш тӱрлӧ кундем гыч уна-влак толыт.
Экспедицийыш каен
Йошкар-Оласе Бауман лицейын тунемшыже Маргарита Жирова «Ледокол открытий» лу кечаш экспедицийыш каен. Участник-влак Франц-Иосифын Мландышкыже шогалыт, Арктикын пӱртӱсшӧ дене палыме лийыт да шуко оҥайым пален налыт.
«Мой верный друг»
Москосо Сеҥымаш тоштер 7-17 ияш ӱдыр-рвезе-влакым «Мой верный друг» всероссийский конкурсыш ушнаш ӱжеш. Ныл йолан йолташ нерген ойлымашым возыман да 14 август марте колтыман. Тӱрыс уверым victorymuseum.ru сайтыште ончыман.
«Классная тема»
Тӱрлӧ предметым туныктышо-влак «Классная тема» телешоушто мастарлыкыштым ончыктен кертыт. Йодмашым да пашам «ВКонтакте» соцкылысе «Телешоу Классная тема» приложенийышке 10 август марте колтыман.