Шошым Коркатово лицей пелен «Сылнымут шошо» районысо сылнымут семинар эртаралтын. Тушко 3-11-ше класслаште тунемше-влак, туныктышо-шамыч ушненыт. Нуно марий просветитель Гавриил Яковлевич Яковлев лӱмеш увертарыме премийым сеҥен налшаш верч конкурсышто таҥасеныт. Почеламутым, ойлымашым, йомакым сереныт. Мый «Юмо ден шукш» философий сынан йомакым возенам. Чыла пашам иктешлымеке, сеҥыше-шамычым Российын шнуй верлашкыже экскурсий дене наҥгаеныт. Ме Муром олаште, Дивеево селаште, Матвеевка ялын монастырьыштыже лийынна. Мыланем гын Дивеево селаште келшен. Тушто ойыртемалтше вийым да шнуй шӱлышым шижынам. Тыгай йӧным ыштымыштлан протоирей Николай Чузаевлан да иерей Евгений Шамаевлан кугу таум ойлем.
Полина АЛЕКСЕЕВА.
Морко, Коркатово.
