Школыштына С.Г.Чавайным шарныме лӱмеш сылнымут касым эртаренна. Тунемше-влак (снимкыште С.Долонина дене пырля), серызын икмыняр произведенийже почеш сӱретым сӱретлен, изирак ончерым чумыреныт. Ангелина Бодрова ден Валерия Чемешева Сергей Григорьевичын илыш корныж дене палдареныт.
4-5-ше класслаште тунемше-шамыч почеламутым сылнын лудыныт. Александр Федотов блок-флейте дене марий семым сылнын шоктен. Тунемше-влак шуко ум пален налыныт.
С.ДОЛОНИНА, Л.ПАВЛОВА.
Медведево, Руэм.
