«Руш тӱвыра нерген шочмо йылме дене возымо да шочмо тӱвыра нерген руш йылме дене серыме сочинений» всероссийский конкурсын республикысе йыжыҥже мучашлалтын. 4-11-ше класслаште тунемше-влакын пашалаштым ныл тӱшкалан пайлен, се-ҥыше-шамычым палемденыт. Чылаже 16 паша аклалтын. Рушла возышо-влак коклаште Волжск оласе 10-шо номеран школ гыч Сабира Сиразиева (4-ше кл.), Софья Фурзикова (9-ше кл.), 4-ше номеран школын тунемшыже Белла Бланк (7-ше кл.), 2-шо номеран Медведево школ гыч Софья Айглова (11-ше кл.) ойыртемалтыныт. Шернур район Лажъял школын 7-ше классыштыже тунемше Елена Овечкина (снимкыште) марла серыме пашаж дене сеҥышыш лектын.
Эн сылнын сереныт
