Чодыра гыч лекташ корным йомдареда гын, мӧҥгеш-оньыш куржталман огыл. Верыштак кодман да 112 телефон номер дене йыҥгыртыман. Тиде шокшо линий чыла вере куча. Утарыше-влак телефон гоч кушто улмыдам писын пален налыт да кушко кайышашым ойлат. Телефон пелен уке гын, йӱк-йӱаным (машина, мутланыме) тӱткын колыштман да тудын могырыш ошкылман. Йӱк-йӱан ок шокто гын, эҥерым кычалман. Йогын почеш кайыман. Ошкылмо годым верын-верын укшым тодылман але пушеҥгеш палым ыштыман. Пӱртӱс вашталтмылан кӧра куткышуэ да регенче чын корным муаш огыт полшо. Пычкемыш марте чодыра гыч лекташ корным муаш ок лий гын, тулотым ылыжтен, воктеныже верланыман. Ӱшаным йомдарыман огыл.
Чодыра гыч лекташ корным йомдареда гын
