Кажне пагытын шке моторлыкшо уло. Шыжат семынже сӧрал. Кеч йырым-йыр сур, шапалге тӱс гынат, чодыраште чон кана: шып, тымык. Пушеҥге-влак телылан ямде улыт, нерыше гай койыт. Тушто ынде кайык йӱкым от кол. Южо янлык вургемжым вашталтен. Весышт телылан малаш возын шуктеныт. Тыгай годым пӱртӱс канышыла чучеш. Мыланем ты пагыт келша. Но мландымбалым ош лум вашкерак леведше, шонем. Тунам эше сӧралрак лиеш.
Александр ИШКАТОВ.
Татарстан, Агрыз, Кадрек.
Фотом freepik.com сайт полшымо дене ыштыме.
